سلام عليكم جماعة اليوم تنحاتلي الرقابة قلت ندير موضوع. حبيت نتكلم على نتائج البطولة المحترفة...ولكن النتائج الحقيقية ياجماعة. الألقاب و الكؤوس اللي ممكن تربحها الأندية الجزائرية في الرابطة المحترفة هاذا لايهم ياجماعة، لأنها لقاء ات طارطون في طارطون.
الفوز الحقيقي لنا للكرة الجزائرية هي لما يحترف شباب مثل ابراهيم بدبودة، سيد علي يحي شريف، هلال سوداني، عواج و بلايلي(بلجيكا)، جابو،...مع رجوع حليش لمستواه وسعيود إذا تخلص من الأهلي المصري وراح لأوروبا حتى يطور مستواه...ولما لا اخرين. هنا ياجماعة ندوا الإستقلال كرويا و نولوا مانستناوش البدلاء تاع فرنسا. والله ياجماعة أي لاعب من البطولة الطارطونية لما يروح لأوربا، هاذا يعني شمعة امل راهي ضوات. لكن تلاحظوا ياجماعة انه ابراهيم بدبودة ويحي شريف قدروا يحترفوا لأنهم في نهاية عقدهم. اما سوداني فلا، لأنه مرتبط بعقد. وحنا اللي نقولوا انه اللاعب الجزائري مايقدرش يحترف لأنه مستواه ظعيف. لكن ربما المشكل ليس هو هاذا، فالمشكل هو تعنت مسؤولي النوادي من خلال المبالعة في المطالب المالية. وهنا نتذكرو مشكلة الحاج عيسى اللي عمرو ما احترف بسبب ارتباطه في كل مرة بعقد منعه من ذلك.
فالأخير نهني أولمبي شلف على اللقب الأول في تاريخ النادي، (جات متأخرة الله غالب هاذا بسبب الرقابة). وكذلك مبروك السياسي وباتنة ونصر حسين داي اللي يستهلوا ملعب وامبلي على خاطر مدرسة تاع الصح. وانشاء الله لياسما عمري وحبي ماتسقطش، والسلام عليكم.
7th يوليو 2011, 23:01
