وين الانوثة يا بنات

____

يعاني الكثير من الناس من نقص في الشخصية وهذا المرض أي مرض النقص قد يشمل عائلة بأكملها فمرض النقص مرض متنقل أو معدي ..
لذلك تجد الإنسان المريض بالنقص دائماً ما يحاول لفت الأنظار حتى ولو على حساب نفسه..!

تعتقد بعض الفتيات أنا قلت البعض أن جمال الفتاة يكتمل بطول اللسان (والصياعة) في الأماكن العامة كالأسواق مثلاً وتعتقد أن إنوثة المرأة لاتكون مقياس حقيقي يفرق بينها وبين الرجل ..!

اخواني بصراحة أنا تفاجأة من منظر شفته قبل يومين في احد أسواق الرياض المشهورة..

كنت أتجول في أحد الأسواق ومعي بنت اخوي 4سنوات وكنت أشتري لها هدايا بسبب أنها جابت لي ورقة من دفاتر أحد اخوانها وقامت بالشخبطة على الورقة وجابتها لي وقالت عمي شف شهادتي أنا نجحت تقلد اخوانها ضحكوا اخوانها عليها وعلقوا عليها وبكت من كثرة التعليق وأخذتها معي للسوق جزاء لهم وكانت رحلة تسوق رائعة جداً..

جلست أنا والصغيرة على أحد الكراسي وطلبت لها آيس كريم وصارت تحملق في الناس وتطرح الأسئلة..!
كان بجوارنا شاب في العشرين تقريباً وكان هادئ جداً وماهي الا لحظات الا ويداهم المكان أربع فتيات في العشرينات صوتهن يغطي على كل الأصوات (سبيكر) يتمازحن..
إتجهت إحداهن لهذا الشاب وقالت له (ياقليل الأدب يلي أهلك ماربوك(لاوالله أنتي إللي ماتربيتي)
يلي فيك وفيك وفيك...ياإولد الــ والـــ والــ والــ..
سألتني الطفلة الصغيرة وقالت عمي مين اللي طاقها قلت ياقلبي ما أحد طقها بس تعدد على الولد أسماء أبائه وأمهاته لأنهم كثيرين حيوانات وأشياء أخرى لاتذكر ..!

تقدمت مجموعة البنات بتجاه الشاب وقربن منه وكان منحرج مرررة تسللت احداهن من خلف الشاب وأختطفت هاتفه من يده وقالت عشان ماتروح لين يجي اللي بيأدبك..
اندفعت احداهن بتعطي الشاب بوكس وبحركة بهلوانية من الشاب انحرف قليلاً عن المجنونة اللي بتظربه ونظراً لطول كعبها وأرضية السوق الإنزلاقية وقوة الإندفاع تشقلبت المسكينة وطلعت الفضايح وأهم فضيحة يوم راح الكعب في وسط الزحمة وانهبلت تدوره لأنها قصيرة مرررة وجنت جنونها..!
استمر الشاب يطلب جهازه من أحداهن وغابت أخرى وبعد دقايق حضرت الغايبة معها فرقة تعزيز وهي عبارة عن رجل كبير غبي ملابسه ملابس طفولية وبصحبته شباب اثنين ما يخوفون نملة..!

سألتني الطفلة عمي ليش خذت جواله قلت ياقلبي يمكن حرامية..
قالت هم لهم بيت قلت ايه لهم بيت بس شكله ضايع كله ياقلبو..
قالت طيب لقوه..
تدرون ليش قلت كذا لأن الرجل الكبير اللي جابته البنت تبيه يتفاهم مع الشاب المسكين يكون ابوها..!
والباقيات مدري وش يقربن لها وترى بناءً على كلامها قلت ابوها والله مدري هو ابوها ولا من ضمن الفرقة..

قرب الأب الأهبل من الشاب وقال وش تبي بالبنات ياقليل الأدب يا إبن الــ والـــ والـــ نفس طريقة بنته في الأوصاف..لا ويقول ياقليل الأدب يعرف فيه شيء اسمه ادب
بس مو باين عليه.!
سألتني الصغيرة عمي كم ابو للولد هذا قلت كثير ياقلبي.. قالت وكم أم له قلت كثييير ياقلبو قالت الكلب اعزكم الله امه والا ابوه قلت مدري قالت طيب الحمار وش يقرب له قلت مايقرب له شكله يقرب ياقلبو للبنات ولبوهن الدلخ..

إستمر الهواش وقلة الأدب والصياعة والتمرد وحضر الأمن وأخذ الشاب وتبعهم الدلخ وبناته وهدأ المكان..

وسألتني الصغيرة وقالت عمي إذا كبرت أصير قوية ..نظرت لها وضحكت وقلت صيري قوية بس لاتسوين مثل ذولا الصيع ثم أحش إرجولك..
ضحت الصغيرة وأخذتها بيدها وذهبنا ولا تزال تسأل وأنا أقول لاياقلبو إيه ياقلبو..

ودي

عادل